Aftur á forsíðu
Lög FÍSNAR samþykkt á aðalfundi 1975

1. Nafn félagsins er “FÍSN”, félag íslenskra námsmanna í Osló og nágrenni.

2. Tilgangur þess er að gæta hagsmuna félagsmanna og efla samheldni þeirra og félagslíf

3. Rétt til inngöngu í félagið hafa:

a. Íslenskir námsmenn í Osló og nágrenni, er leggja stund á eigi skemmra nám en eins árs.

b. Aðrir Íslendingar sem þess óska og dvelja hér vetrarlangt.

4. Stjór félagsins skal kosin leynilegri kosningu á aðalfundi. Stjórnina skipa 5 félagar. Hún skal kosin sameiginlega og skiptir sjálf með sér verkum eftir samkomulagi. Má hafa verkaskipti eins oft á kjörtímabilinu og stjórnin telur nauðsyn á. Séu tveir frambjóðendur jafnir að atkvæðum, skal kosið á milli þeirra sérstaklega. Þeir tveir félagar, sem koma næstir stjórnarmönnum að atkvæðatölu, eru kjörnir varamenn, sem kalla má til starfa.

5. Aðalfund skal halda í febrúarlok ár hvert. Boða skal til hans með minnst 5 daga fyrirvara. Atkvæðisrétt og kjörgengi hafa aðeins þeir sem greitt hafa félagsgjöld yfirstandandi árs. Aðalfundur er lögmætur ef til hans er löglega boðað. Dagskrá aðalfundar sé:

a. Skýrsla stjórnar b. Reikningar c. Lagabreytingar d. Kosningar e. Önnur mál

6. Aðra fundi skal halda, þegar stjórnin sér ástæðu til, eða ef 1/3 hluti félagsmanna óskar þess.

7. Reikningar félagsins miðast við aðalfund. Aðalfundur kýs tvo endurskoðendur og ákveður upphæð félagsgjalda hverju sinni.

8. Stjórnin hefur umsjón með eignum félagsins og skipar 2 stofuverði.

9. Félagið greiðir tap af rekstri blaðaútgáfu Blaðfísnar og styður auk þess undirfísnir eftir þörfum.

10. Lögum félagsins verður aðeins breytt á aðalfundi, og þarf til þess 2/3 hluta greiddra atkvæða. Stjórnin skal láta félagsmönnum í té eintak af lögum félagsins ef þeir óska þess.

Fundarsköp FÍSN-ar

1. Fundarboð: a. Félagsfundi skal boða á tryggilegan hátt, s.s. með áberandi auglýsingum á Sogni og Kringsjá eða með póstsendu fundarboði. Fundi skal boða með minnst tveggja daga fyrirvara ef kostur er. b. Í fundarboði skal geta dagskrár fundarins. Eigi er heimilt að taka önnur málefni til umræðu og afgreiðslu en þau sem auglýst eru, nema 2/3 þeirra sem sækja fund séu því samþykkir. c. Ef færri en tíundi hluti félagsmanna sækir fund, telst hann óhæfur til afgreiðslu mála. Fundur sem boðaður er innan viku með sömu dagskrá, er þó hæfur til afgreiðslu mála á tillits til fundarsóknar.

2. Fundastjórn:

a. Formaður félagsins, í fjarveru hans varaformaður en ritari í fjarveru hans, setur fund og skipar fundarstjóra eða stjórnar kjöri fundarstjóra.

b. Ritari félagsins ritar gjörðarbók félagsfunda eða fær aðra til þess. Auk þess skal hann veita fundarstjóra aðstoð við fundarstjórnina.

c. Fundarstjóri túlkar og skýrir fundarsköpin og sker úr ágreiningi. Fundarmönnum ber að hlýða fundarstjóra og hlíta úrskurðum hans. Hann skal gæta         góðrar reglu á fundi og sjá til þess, að jafnan sé farið að fundarsköpum. Er honum heimil að gera hlé á fundi, ef hann telur fundarmenn ekki fara að boðum     þessarrar greinar. Hafi hann ekki sett fund að nýju innan tíu mínútna, telst umboð hans niður fallið, og skal þá formaður stjórna kjöri nýs fundarstjóra.

3. Fundarstörf:

a. Mál fundarins skulu borin upp í þeirri röð, sem auglýst dagskrá ákveður.

b. Fundarmaður, sem óskar efir að taka til máls, skal óska þess við fundarstjóra, sem skal skrá menn á mælendaskrá í þeirri röð, sem þeir biðja um orðið. Formanni félagsins og framsögumanni máls skal þó leyft að koma að stuttum skýringum, þrátt fyrir mælendaskrá.

c. Athugasemd við fundarsköp má hvenær sem er gera. Er skylt að hlýða á og afgreiða hana, eða tillögur samkvæmt henni, eftir þeim reglum sem fundasköp þessi setja. Skal fundarstjóri þegar í stað gefa þeim fundarmanni orðið, sem slíka athugasemd óskar að gera, nema meðan á ræðu stendur eða atkvæðagreiðslu. Slík athugunarsemd verður að vera örstutt og má engöngu fjalla um meint brot á þessum fundarsköðum eða viðurkenndum óskráðum reglum, brot á auglýstri dagskrá, starf og útskurði fundarstjóra eða um tillögur á framkvæmd dagskrár. Fundarstjóri úrskurðar um réttmæti athugasemda samkv. þessarri ræðuheimild, nema tillaga um að breyta úrskurði hans sé rétt fram komin. d. Eftir sömu reglum og i liði

d. er lýst er fundarmönnum heimilt – þrátt fyrir mælendaskrá - að koma fyrirspurnum eða athugasemdum varðandi umræðuefnið skv. nánari ákvörðun fundarstjóra, gera grein fyrir rétti sínum til fundarsetu og kosningarétti, hafi slíkt verið véfengt.

e. Fundarstjóri skal gæta þess vandlega, að ræðumenn haldi sér að umræðuefninu skv dagskrá. Skal hann áminnia þá, sem fara óheyrilega út fyrir umræðuefnið eða að tefja fundastörf með óheimilum málalengingum. Ef ræðumaður skiptast ekki við áminningu fundarstjóra, skal heimilt að svipta ræðumann mánfrelsi um viðkomandi dagskrárlið.

f. Tillögu skal flytja skriflega og leggja fram við fundarstjóra, og er ekki heimilt að taka tillögu í öðru formi til að greina. Dagskrár tillögu skal fundarstjóri bera upp umræðulaust og þegar í stað, nema þegar á ræðu stendur eða atkvæðagreiðslu. Slíkar tillögur þurfa stuðning 2/3 hluta fundarmanna til samþykkis, hvort sem þær fjalla um vantraust á fundarstjórnandann, um að breyta úrskurði fundarsjóra, afbrigði frá fundarsköpum, slíta fundi eða fresta, öflun frekari upplýsinga um mál, vísa máli til nefndar eða hvers kyns atriði önnur, er varða fundarstörfin.

g. Tillögur, aðrar en daskrártillögur skv. liði f. skal bera upp í þeirri röð, sem þær berast fundarsjóra. Þá skal bera breytingartillögu upp á undan aðaltillögu og þá fyrst, sem lengst telst ganga að áliti fundarstjóra. Tillögur sem ósamrýmanlegar eru áður samþykktum tillögum og breytingartillögum skulu ekki koma til atkvæða. Viðaukatillögur skulu bornar upp eftir samþykkt aðaltilögu, annars ekki. Ef fleiri ósamrýmanlegar viðaukatillögur berast , skal fyrst bera þá upp sem lengst gengur að mati fundarstóra.

h. Fundarstjóri skal lesa tillögu fyrir atkvæðagreiðslu, ef óskað er.

4. Atkvæðagreiðslur:

a. Atkvæðagreiðslur skulu fara fram með handauppréttingum eða skriflega eftir ákvörðun fundarstjóra. Krafa um leynilega atkvæðigreiðslu skal borin fram af 5 fundarmönnum hið fæsta, og þá skylt að verða við kröfunni.

b. Einfaldur meirihluti ræður úrslitum mála og kjöri, nema annars sé séstaklega getið í þessum fundarsköpum.

c. Ritari telur atkvæði ásamt tveimur fundarmönnum , sem fundarstjóri tilnefnir. Skal þess gætt, að þessir tveir séu úr hópum formælanda og andmælanda máls. Ef um kjör er að ræða, er þeim sem í kjöri er eða uppástungu gerði, heimilt að vera við talningu eða tilnefna fundarmann til þess.

d. Kröfu um að endurtaka atkvæðagreiðslu er ekki skylt að taka til greina nema a.m.k. helmingur fundarmanna lýsi stuðningi við slíka kröfu með handauppréttingu, enda komi krafan fram strax fram eftir að atkvæðagreiðslan fór fram eða úrslit liggja fyrir. Ef atkvæðamunur er innan við 5 atkv. við leynilega atkværðagreiðslu, er fundarstjóra skylt að verða við kröfu 5 fundarmanna hið fæsta um atkvæði skuli talin aftur.

e. Kjör í stjórn og nefndir skal jafnan vera óhlutbundið. Tilnefningar mega vera hvort heldur sem er munnlegar eða skriflegar. Heimilt er þeim, sem tilnefnir mann að segja deili á þeim, sem hann gerir tillögu um með orðum. Heimilt er að krefjast þess, að sá, sem stungið er upp á , láti samþykki sitt í ljós eða samþykkið sé vottað með öðrum tryggilegum hætti.

f. Nú falla atkvæði jafnt, og telst tillaga þá fallin. Ef atkæði falla jafnt við kjör, skal endurtaka kosningu milli viðkomandi frambjóðanda þegar í stað. Falli atkæði enn jafnt, ræður hlutkesti.

g. Breytinga á fundarsköpum þessum verða einungis á aðalfundri félagsins. Ræður einfaldur meirihluti um breytingar á þeim.

5. Ýmis ákvæði:

a. Fundarmenn skulu í hvívetna gæta góðrar reglu á fundum og trufla ekki fundarstörfin með samræðum eða óþörfu rápi. Skal fundarstjóri áminna þá, sem hann telur brjóta þessar reglur sem og önnur ákvæði þessarra fundarskapa. Nú gerist fundarmaður sekur um óheyrilegt framferði á fundinum, truflar fundrastörf með endurteknum framíköllum eða á annan hátt, eða er að öðru leyti til almenns hneykslis, og er þá að undangenginni alvarlegri ámenningu fundarsjóra, sem viðkomandi hefur ekki telið til greina, heimilt að bera fram tillögu um að hinum brotlega skuli vísað af fundi. Fái slík tillaga atkvæði 2/3 hluta þeirra, sem taka þátt í atkvæðagreiðslunni telst hún samþykkt. Slík atkvæðagreisla skal fara fram strax og með handauppréttingum. Sjórn félagsins er ábyrg fyrir, að viðkomandi víki þegar í stað af fundi, ef slík tillaga er sammþykkt.

b. Stjórn félagsins er skylt að hafa handbæra atkvæðaseðla, ef á þarf að halda, svo og önnur áhöld og tæki, sem þarf til fundarhaldsins. Löggilt eintak af þessum fundarsköpum skal jafnan vera handbært á fundarstað.

Greinargerð með fundarsköpum

Á sl. vori færði formaður FÍSNAR í tal við mig, hvort ég vildi taka að mér að semja uppkast að fundarsköpum fyrir félagið. Tilnefni þessarrar málaleitunar var það, að eftir félagsfund, sem haldinn var sl. vor einkenndist af upplausn og stjórnleysi, sýndist mörgum að nauðsyn bæri til að FÍSN eignaðist sín eigin fundarsköp. Ég tók að þessu erindi formannsins vel (hvað ég skyldi aldrei gert hafa) og lofaði að þessi drög skyldu verða tilbúin á öndverðum vetri. Að sjálfsögðu iðraðist ég þessa framhlaups sáran eftir á, enda reyndist ekki mikill tími aflögu til stafsins, þegar til átti að taka. Af þessu sökum hefur þetta dregists nokkuð, og það er fyrst nú, sem uppkastið er komið í það horf, að ég geti send það frá mér með sæmilega góðri samvisku. Við samantekt þessa verks hafa fyrst og fremst verið hafðar í huga þær meginreglur um fundarsköp, sem mótast hafa fyrir eðli mála og af löngum venjum og mega teljast almennt gildandi. Þar sem þær þýtur hef ég freistast til að fylla upp með ákvæðum úr fundarsköpum þess félags sem líklegast hefur sett sér ítarlegustu fundarsköp allra ísl. Félaga, þ.e. ORATORS, félags laganema. Niðurröðun efnis er einnig sett með hliðsjón af þeim. Í þriðja lagi hefur sérstaða FÍSNar að sjálfsögðu það í för með sér að við samningu nokkurra ákvæða verður séstaklega að taka mið af henni. Hafa verður í huga, að með setningu fundarskapa fyrir félagið er fyrst og fremst að því stefnt, að hægt sé að halda sér að ákveðnum reglum við afgreiðslu máls á félagsfundum og þannig komið í veg fyrir röskun á fundastörfum vegna skorts á slíkum reglum. Með nokkrum rétti má því segja, að fundarsköpum sé ætlað að virka sem eins konar öryggisventill, ef vafamál eða deilur rísa. Ótti við það að fundarsköpin muni hneppa félagsfundi í viðjar þvingandi formfestu, ætti því að vera ásæðulaus, enda hefur sá engan veginn orðið raunin á í öðrum þeim félögum sem eignast haf eigin fundarsköp. Ef þessi drög geta orðið undirstaðan að fundarsköpum FÍSNar – sem félagið hefði reynda átt að eignast fyrir löngu – þá get ég unað glaður við mitt í þeirri trú um að hafa orðið félaginu að einhverju liði. Verði það aftur á móti almenn skoðun félagsmanna að drögin séu ónothæf, þá er það sársaukalaust að minni hálfu, að þeim verði fórnað á altari ruslakörfunnar. Reyndar má það teljast nokkuð bíræfið af mér að senda þetta frá mér, án þess að hafa tækifæri til að útskýra þau eða rökstyðja eða einstakar greinar þeirra. Grun hef ég því um, að auðvelt verði að benda á veilur, þegar enginn er til að útskýra, hvaða hugsun býr að baki. Við þessu verður víst ekkert gert. Þó er rétt að gera það heyrum kunnugt, að Guðmundur Sæmundsson og Trausti Jónsson hafa heitið þvi að verja ágæti þessa uppkasts framm í rauðan dauðann. Gildir þá einu hversu ósammála þeir kunna í hjarta sínu að vera í einstökum greinum þess. Við Trausti höfum eytt kvöldstund í það að yfirfara og spjalla um uppkastið, og verð ég því að benda hann til svars, ef spurningar eða andmæli koma fram.

Desember 1973.

Með bestu kveðjum, Gunnlaugur Claesson.